Ynne i step synyaaw heipor kamwa 2:00 waje, iwi i yung ha chnong Tuber Kmaichnong, East Jaiñtia Hills District wa man tre da ka Ribiang Phawa da iñ i heipor wa dang yoh thiah ki wei i diñ da baam lut ko waroh i yung hadooh wa kylla tpai lut.
Hanla waroh ki tiar ki tar wa em hapoh yung da iñ lut ki, tangwa embhah won wym em jia iwon iwon yei mynsien bru neibhah waroh kiwa em hapoh yung da yoh lut ki u mih hadien wa yoo yei diñ wa kop.
Heiyatoh wa ini, u waheh chnong ka Tuber Kmaichnong, u Mickey Lyngdoh leh da pyntip u wut-wut cha ki bor pulit heiwa ki pulit ka Fire & Emergency Services na Ladrymbai leh da yaleh ki u poi smat tangwa neidaw wa da kyrooh i diñ, da yoh i baam lut waroh i yung.
Katkam ka khubor wa da yoh, da ong wa kani ka manyung toh kawa duna i yoh i la, wei ya chong ya sahlang ki leh hadooh kamwa 14 ngut heini i yung wa iwa em 5 kamra heiwa iwa dang khian dooh toh i khonboo wa dang 5 bnai.
Yei daw wa sdang i diñ ym pu tip.
Discussion about this post