Iwi i yung wa mantre da ka Jaya Wahlang da iñ i ynne i janmiet iwa em ha Laban, Shillong hajan ka skur Bengalee Girls, wei da embhah wa ha ini i jia ym em kiwa mynsoo lait noh nei chah ktah i yung.
Hawa yaklam da ka Phone wa u Assistant Waheh Chnong, u Hubert Marbaniang, da khana u wa itai i jia kop diñ da jia heipor kamwa 3:30 ynne wei yei daw wa sdang i diñ ym pu tip.
Katkam i khana u Marbaniang, itai i yung yong ka Jaya toh iwa e wai wei da em kamwa ar le kynrad, wei embhah wym em i mynsoo bru neibhah ha itai i por ym em bru hapoh yung.
Da khana u leh wa ya katai ka yung kawa da iñkhaw toh i yung dieñ iwa da rap rim wei da em ko ha dong Them Umkwar marjan leh wa ka Laban Police Station. Da khana chooh chooh wa yei diñ da ye wow tympleh noh deiwa wan ki pulit tympleh diñ wei deiwa yarap kiwa sah marjan, wei ka takit hajrong itæ i kop diñ da lai i yow chem yei daw tre.
