Ka yalang ki paidbah chithaw don kawa heh dooh hapoh pyrthai kawa tip kam ka Maha Kumbh Mela kawa da pynman ha Prayagraj, Uttar Pradesh ha uni u snem, da kop diñ ki thaw sah (Tent) ynne heipor kamwa 4:00 waje noh chariñ ka sngi neidaw wa pdung ki tadong Gas.
Ki bor pulit da pyntip ki wa da em ar-le tylli ki Gas Cylinder kiwa pdung ha Sector 19 wei da ye wow tympleh ki wei waroh ki bru da lait ki wow yut wei ym em wa mynsoo.
Ini i diñ da baam i kamwa 10 tylli ki Tent wa heh wa 70-80 tylli kiwi ki yung trep wa khian wei da kyrooh bha i tangwa deiwa smat ki kari tympleh diñ kiwa em kamwa 15 tylli kiwa da em chwa ha ini i thaw, da ye wow tympleh smat ki.
Kani ka Maha KumbhMela toh kawa da sdang nadooh ka 13 tarik uni u bnai wei daw neh ko 45 sngi wei da antaad wa hadooh ynne da em 6 klur ngut kiwa da dep wan wei du ynne ka sngi da em palat 10 lak ngut kiwa wan wei hadooh wa kut ko da antaad wa daw tam 50 klur ngut ki bru kiwa daw wan.
Discussion about this post