Soo tylli ki Scooty da iñ ki hakhmat iwi i thaw wa em hajan ki dukan ha JB Cantonment, Jhalupara, Shillong ynne i sngi heipor kamwa 2:00 waje i step.
Ini i diñ toh iwa da sdang na kawi ka Scooty wa em Number ML-05A-2201 wei da poor cha iwi i dukan dai kwai wei da poor leh cha cah kiwi ki Scooty wa em ha i thaw pynyieñ kari.
Ha ka FIR wa da e ha u In-Charge ka Jhalupara Out Post, da ong wa waroh da iñ soo tylli ki kari Scooty wa em Number ML-05R-1523, ka ML-10A-3806, ML-05A-2201 waka ML-05V-7063.
Da pyntip leh wa ini i dukan dai kwai toh i yong u Sunil Thapa iwa da chah baam lut hei diñ.
Chooh chooh da ong wa heipor wa jia ini, uwi u bru da thooh kyrroi u ya uwi u bru wa tip kam u Guddu Prasad Gupta.
Discussion about this post