Ka Independence Day Cup Under-17 Football Tournament 2023 wa pynman da ka West Jaiñtia District Sports Association (WJDSA) da poi ko cha ka sngi wa ar ynne da ar tylli ki yalehke.
Ha ka yalehke wa nyngkong, ka Ladthadlaboh da jop ko yaka Salaroh da 6-0 da ki kool wa thap u Help Me Syntem haka minit wa 7, u Chanmi Phawa haka minit wa 15, u Alfred Dkhar haka minit wa 34, u Kyntulang Nongwa haka minit wa 35 wa 54 wa u Marbudki Dkhar haka minit wa 60+2.
Ka yalehke wa ar da kut da 2-2 hapyrdi ka Khimusniang waka Catholic Youth.
Ya ka Khimusniang da thap kool da u Heiminmiki Dkhar haka minit wa 24 wa 40 katwa ya ka Catholic Youth da thap da u Donald Phawa haka mini wa 13 wa u Kyrshon Suchen haka minit wa 16.
Ki yalehke mynstep toh hapyrdi ka Mukhla Raij waka Evergreen Mukhla heipor 1:30 i sngi wei daw pynbood da ka Dulong waka Mulang Ialong heipor 3:00 waje i sngi.
Discussion about this post