Independence Cup: Psiah Semi ka Mulang, Mukhla waka Dulong

Ka Independence Day Cup Under-17 Football Tournament 2023 wa pynman da ka West Jaiñtia District Sports Association (WJDSA) da poi ko cha ki yalehke Quarter Final da le tylli ynne ka sngi.

Ha ka yalehke wa nyngkong, ka Mulang Ialong da jop ko yaka Ladthadlaboh da 3-2.

Ya ka Mulang Ialong da thap kool da u Jeri Dhar haka minit wa 12, u Charelang Mulieh haka minit wa 51 wa u Nidaroi Mulieh haka minit wa 60+9.

Ya ka Ladthadlaboh da thap kool da u Teiborlang Malang haka minit wa 48 wa u Medondor Pala haka minit wa 59.

Ha ka yalehke wa ar, ka Mukhla Raij da jop ko yaka 7 Wasa da 4-3 deiwa yachut Tie-Breaker hadien wa ka yalehke da kut ko da 0-0.

Related posts

Psiah Quarter ka Meghalaya ha ka U-20 Men’s National Football C’ship 2026

May 17, 2026

MSL 5: Hanla rem leh dang neh ka Shkenshynriah hei wa ar

May 16, 2026

Ha ka yalehke wa le, ka Dulong da jop ko yaka FAM da 4-3 deiwa yachut Tie-Breaker hadien wa kut ka yalehke da 1-1.

Ya ka Dulong da thap kool da u Lovingstar Suting haka minit wa 28 katwa ya ka FAM da thap kool da u P. Papang haka minit wa 33.

Ka Quarter Final mynstep toh hapyrdi ka Demthring waka Evergreen Mukhla heipor 3:30 i sngi.