U Chairman ka Confederation of Meghalaya Social Organisation (CoMSO), u Robertjune Kharjahrin ynne ka sngi da kyntu u ya ki paidbah wow mih ki chakhmat kam ha u snem wa dadep wow yahkhmat ya i yakhih wow pynbor ya ka sorkar pyrdi wow pynbor wow pynkrehkaam noh ya ka Inner Line Permit ha ka jylla.
Da ong u wa ka CoMSO ym kwah ko wa ini i yakhih ymtoh u man i du i yong ki MLA wa ki seiñbhalang, tangwa i yakhih ki paidbah wei nei i bynta, i daw yong ki paidbah.
Chooh chooh da ong u wa ha u snem wa dadep ki paidbah da pynyoo ki yei sñiawtre hajrong kani ka kaam heiwa da mih ki khlem yang yeiyi yeiyi u yahkhmat ya ki.
U Robertjune da kyntu biang u ya ki paidbah wow mih nadooh ki dorbar chnong, dorbar raij, dorbar kur, ki seiñ khynroo, seiñ kynthai wa ki bru samen wow yahkhmat ki ya kani ka yakhih wow pynbor ya ka sorkar.
