I kulmar wa da mih ynni i miet ka 6 tarik ha Laitumkhrah Police Station da pynsih deiwa joor ya kawi ka kari Gypsy ki pulit kawa em ya u Number ML-02-0238, kawa da iñkhaw lut nadong chadong. Sa kiwi ki kari leh da chah ktah lang ha ini wa jia iwa kynthup ya kawi ka kari kamai (Tourist) wa em ya u Number ML-05Y-9977 wa kawi ka kari Alto wa kawi won toh ka thuk-thuk kawa em ya u Number ML-05H-3908.
Ini i kulmar wa da mih ha ki thaaiñ Laitumkhrah hajan ka yung krehkaam u DHS toh iwa da pynbaad wa em ki khynnah Khasi kiwa da chah dat ha ki wym toh ki Khasi. Ini i kulmar da heh i hadien wa da pynbaad wa ki pulit da leh chiliang ki heipor wa lai ujor FIR ki ar liang kiwa da poi heijooh i por cha Police Station.
Neidaw ini i pynbaad wa leh chiliang, da mih biang i kynaad ha katai ka thanat wei khlem da poi pyrkhat kawi ka kari pulit kawa pynyieñ ha pchem da chah thang ko wei da em leh kiwa kawang moo ya kani ka thanat hadooh wa da piah leh ki yit wei da toh leh ka kari.
