Shillong: Ynne ka sngi kawi ka borewell truck næ ka kari siam um, kawa em u number TN-H5AS 0599 da kopdiñ ko hadooh wa iñkhaw heipor 1:00 waje i sngi, wei da suba wa chah pakhot petrol bomb ko ha ki bru ki wym tipmit.
Kani ka truck toh ka yong u tre ka Madras Cafe u P. Rajratan wei da iñkhaw i phrang yong ka wei hadien kamwa chi kynta da poi ki pulit tymleh diñ.
Neiliang u Superintendent of Police (Crime) u Vivek Syiem, da ong u wa ini i jia ye i u yatoh wei yakhih pyrchah ya ka luti rel wa khai na Ri-Bhoi district nadooh ka 27 tarik uni u bnai wa dadep.
U SP da khana u wa kani ka truck da pynyieñ yaka hajan ka kudam u P. Muktieh, ha pchem ka District Commerce & Industries Centre, Shillong kawa em hajan ka FCI Mawlai, East Khasi Hills Shillong.
Kani ka thaw em haap ko hapoh ka Pasteur Beat House wei neiliang u Vivek da pyntip u wa hadooh i janmiet ympu em wa ujor cha ki pulit katwa na ki dang takit ki yeini.
Ye u ong heini wa kani ka truck da chah thang ko ha ki kynta wa ym em u krehkaam ka 144 CrPC kawa da pynkyllooid na ka 6 waje i janmiet hadooh 5 waje i step.
Discussion about this post