Jowai : Ka seiñ ki nong ah doh masi ha Jowai hapoh i yahkhmat u President ka seiñ u ma Lewis Pyrtuh ynnin ka sngi da yohkem ki ha Demthriing ya uwi u bru uwa da tip kam u Shiningstar Kyndait na East Jaintia Hills District hadien wa da chem ki wa wan tyrwa dai u ya ki masi hei dor chiteiñ na ka dor yaw. Da tyrwa dai u hei dor T. 72,000 ya 12 tylli ki masi.
Ini i wan tyrwa dai u ya kitai ki masi hei dor wa toh bha da pynsuba ko ya ki dkhot wa ki nongyalam ka seiñ kiwa da ksoh wei yah ki oo cha thanad Jowai.
Manda takit bniah ki pulit ka Jowai PS, utai u Shiningstar Kyndait da phla u wa da dep tooh u hadooh 12 tylli ki masi na ka chnong Iongkaluh wow tyrwa dai toh dor ha ka chnong Demthring.
Da khana u leh wa dang em sa uwi u lok u uwa da emkti ha katai ka kaam. Utai u lok u uwa da tip kam u Tiplang Dkhar da chah kem noh u ha kani ka sngi na jan Thomas Jones College.
Ki tre masi da ong ki wa da dep ujor ki hei yatoh wei chahtooh ki masi ha Ladrymbai Police O.P. wei neiliang ki pulit Jowai, da ekti noh ki ya kitai ki nongtooh cha ki pulit Ladrymbai yow leh yeiwa emkaam.
Discussion about this post