Iwa bakla wow pynkylla ya ka krem Mawjymbuiñ kam ka thaw mane: Paul

U Montri ka chnat Tourism ka jylla, u Paul Lyngdoh da ong u wa ka krem Mawjymbuiñ ha Mawsynram toh ka thaw uiñke suwari kawa pawnaam bha wei daw man ko kawa bakla chiboon lada ya ka kani ka thaw da pynman kam ka thaw mane yong kawon kawon ka niam.

Hawa yaklam wa kiwa thoh khubor, u Paul da ong u wa daw ktah chiboon ya kiwi lada pynkylla ya katai ka thaw kam ka thaw mane Blai wei ka India kam ka ri wym yachah niam, ym ye ko wow pynpsiah ya kam ini i rukom pyrkhat wow pynman thaw mane ya katai ka thaw.

Hawa kyrchaan yei rai ka Dorbar Chnong Mawsynram wow pyrchah yei thmu pynman thaw mane ya katai ka krem, u Paul da ong u wa kyrchaan u yei rai ka dorbar chnong Mawsynram hajrong ini i bynta.

Da khana u wa hadooh kattæ ym pu em yoh dei thoh na ka dorbar chnong wa paan ko yei tuklar ka sorkar hajrong ini.