U Montri Rangbah ka jylla, u Conrad K Sangma da ong u yei maham ka MLA ka VPP wow mih napoh ka yung dorbar heipor wa e u Lat yei klam hawa sdang ka Dorbar Mang Tangka lada klam u dei ktien Hindi toh i wym emkaam.
U Conrad da ong u emkaam wow pynlut yei bor wow klam ya iwa emkaam hapoh ka jylla heithaw wow jied yei jait ktien wa klam kam ka phang wa hap u yakhih.
Da kdaw u wa ki kyndon chah ko wow klam da uwon uwon lada em iwa da thoh dei ktien English. Chooh chooh da ong u wa u Lat toh u wym ye u klam boon ki jait ktien kamtæ yeiwa klam u daw pynkylla cha ka ktien English.
Da pynkynmoo u wa u Lamphang ka Meghalaya Legislative Assembly da pynbiang u ki laad wow pynkylla ktien deiwa pynemkaam da ka Artificial Intelligence næ da kiwi won yow pyntikna waroh sñiawthooh lang.
U Conrad da ong u wa hapoh ka yung dorbar toh u yaklam yatai ya kiwa boon ki kaam wa emkaam katkam ka kyndon synchaar paidbah wei katkam ka aiñ deiwa pynrap wa man u uwa da pynkhreh yow yaklam ya kiwon kiwon ki kaam wei man u leh uwa smat u ap yeiwa e buit wei tyrwa lada man ki kiwon kiwon.
Da ong u leh wym sñiawthooh yaka yurim wa yieñ ka liang pyrchah deiwa ong wa iwa emkaam ware toh iyi wa ong u Lat ymtoh wow pynthut yei krehkaam ka dorbar tangwa wow yaklam deiwa tip rukom hapoh ka yung dorbar.
Discussion about this post