Iwa emkaam u tip chaphang i kjut Rabies

Jowai : Ki tre ksaw kiwa ym em chimkhia u yada yaki ksaw wa kiwi ki mrad wa chah ka aiñ u ri ha yung deiwa ym pynbiang khamtam i e inject vaccination yow yada nei kjut Rabies ye ki u chah pynchitom katkam ka aiñ The Prevention of Cruelty to Animals Act, 1960 Section 11(j).

Neibhah i e injection Anti-Rabies toh i kaamram yong ki tre iwa toh u e chisien chisnem yow lait u poor i kjut Rabies na ki ksaw wa em Rabies cha ki yong phi.

Ya i dawai injection toh iwa e mynkna naka Veterinary Hospital wa em ha Ladthadlaboh, Jowai wa kamjooh ha waroh ki dispensary yong ka Animal Husbandry & Veterinary Department wa em ha kylleiñ ka district.

Ha chwa u leh ya kani ka Vaccination hap leh chwa ya ka Deworming næ wow e dawai wieh iwa ye u leh pyn ha yung deiwa e dawai hei baam wa baam ki ksaw. Hadien chi tayaw ye phi won u wan chim injection ya u ksaw iwa haap leh chisein chisnem.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Lada chah dait u ksaw phi ha u ksaw wa biej (Rabid Dog) haap phi u li pynyoo doctor wut wut neibhah ini i kjut Rabies chisien da mih ki dak wa da sdang i da man wa da dier wei ym ye de u sumar. Em ki por hadien wa chah dait ini i kjut ye i u khai biang hadien 10 snem.

Hadien wa chah dait u ksaw haap u e inject san sien iwa man 3 sngi hadien wa chah inject nyngkong, iwa 3 hadien 7 sngi, iwa 4 hadein 18 sngi wa iwa 5 hadein 24 sngi.

Iwa emkaam u leh lada toh tba næ cha dait ha u ksaw wa biej

Ini i kjut Rabies toh iwa ye u poor na u ksaw cha ki bru wa kamjooh leh cha kiwi ki mrad, wei hadooh katni ym em dawai wa ye u yada yeini i kjut wei chisien da yoh da yap bait. Wei yow yada ya ki paidbah ya kiwa yap da haap song sbak (sealed).

Ini i jut leh ye i u poor deiwa bi i yimbaar na ki ksaw wa biej. Kamtæ ya u ksaw wa da yap lada tba ya oo klem ki sapkti næ tymmoh yei ktien (Face Mask) heipor wa rah ne tlep ya oo em hi i ma yaki bru wa tba ya oo.

Kamtæ ya ki bru lada suba wa ye u poor ini i kjut Rabies cha phi haap li chim injection vaccination na ki hospital iwa ym ktah ya phi hanlada ym toh u ksaw wa biej leh.

Yaki ksaw wa biej wada yap ymhoi u noh katcha wa yoh neibhah lada ym tlep, kiwi ki mrad wa wan baam ya i dooh u ye ki leh u yoh yei kjut Rabies na u ksaw wa da yap.

Heipor wa tlep haap tih dei thlu wa yillu bha wei haap theh chuni wa i phenyl yow pyntikna wada yap noh u khniang kjut Rabies.