Nadooh ka tayaw wa nyngkong u Kmaichonglad 2015 da em ki dor wa da booh ha Chnongpdeng da ka seiñ wa pait ya kiwa wan uiñsawri, ka Chnongpdeng Tourism Development Society.
Ya waroh ki dor wa ki aiñ wa da booh ka chnong man ki kamni ha wah:
Bai Psiah
Ya ki kari khian wa soo chaka toh T. 30 ya ki kari heh kam ki sumo T. 50 wa ya ki Bus T. 100 katwa ya ki ar chaka T. 20. Ini i bai psiah ym em kheiñ ya katwon ngut em chi kari.
Ki Thaw Baam
Hapoh ka chnong em boon ki dukan dai cha dai ja kiwa wai hadooh 7 waje i miet.
Ki Thaw Sah
Ha ka chnong em artylli ki Homestay næ ki yung sah miet. Ka wi wa em rap hajan ka wah Myngot wa pyrtuid Shat Sngi Homestay wa ka Halatong Homestay ka wa em rap ha jrong. I bai sah chi miet toh T. 1000, ha kini ki thaw wei ye u sah deiwa suk 4 ngut chi kamra.
Ye phi leh u sah ha ki tent wa em kamwa 25 tylli ha ki le tylli ki thaw wa da dep booh da ka chnong. Ar tylli ki wa em cha chilliang ka wah wa iwi wa em neilaing wa em ka chnong.
Ya ki tent toh kiwa dep siang tusok, syngkhien wa ki that kup. Kini ki tent toh kiwa chniam u sah arngut wei da kheiñ dor T. 350 samen. Em hi leh ki tent wa chniam le ngut wei da kheiñ dor ya ki katjooh. Ya ki khynnah wa em 12 snem chapoh i bai sah toh mynkna.
Ye hi phi leh u rah dei yong phi hi ki tent leh tangwa wa hap su cha ka chnong T. 100 ka wi ka tent yow pynemkaam hapoh ka chnong.
I baam ya ki wa sahmiet
Ya kiwa sahmiet ha ki homestay ye ki u phah chet pyn ha kiwa pyllai ya kini ki homestay. Ya i baam Vegetarian chong dor T. 200 chi pliang. I non-veg won T. 300 chi pliang wei ye phi u yoh u baam ya ki dakha wa khwe pyn naka wah Myngot kamjooh leh ye phi u baam ya i doh syiar, doh sniang wa kiwi. Kamjooh kiwa sah ha ki tent leh ye ki u phah baam na ki tre. Ye phi u yoh ja hadooh 10 waje i miet.
Kiwa wan baamdoh
Ya kiwa wan baamdoh (picnic) ye ki u rah waroh ki tiar nadooh ki dieñ, i doh, wa waroh wa emkaam ki. Haap su du i bai thaw donhi iwa kheiñ ha i jooh i dor bai psiah iwa mut lada wan phi kawi ka kari khian haap su biang sa T. 50 lada wan lang artylli ki kari haap su biang T.100.
Ya kiwa ym em rah tiar waroh yow baamdoh ye hi phi u chim wai na ka chnong ya ki khcu, ki pliang wei dai hi leh ya ki dieñ yow chet. Ye phi leh u thied pyn da ki dakha kiwa yoh kiwa khwe na kani ka wah.
Ki wa kwah khwe dakha
Ya kiwa kwah khwe dakha ye ki chimwai pyrsiej khwe hei dor T. 200 uwi kamjooh leh ye ki u yoh yei baam khwe wa pynemkaam ki tre chnong kam u atta, bindia wa u soh syiñ.
Ya kiwa kwah chong lieñ
Ya kiwa kwah u chong lieñ i dor man i T. 100 samen wada kheiñ lang waka lifejacket. Ha kawi ka lieñ ye u chong du 4 ngut khlem kheiñ lang wa u wa kiñ lieñ. Ya ki khynnah khian i dor man i chitieñ na ki waheh. Ye phi leh u yoh sikai yei rukom kiñ lieñ deiwa su T. 500.
Ki dor ki local guide
Ya kitu ki wa kwah u lai ke cha ki thaw wa em chajan ye ki leh u yah lang wa u guide waroh chisngi heidor T. 600.
Kiwa kwah yimpa
Ya kiwa kwah yimpa tangwa ym pu em pliah ye ki leh u yoh yei hikai na kiwa da pliah u yimpa deiwa su T. 300. Ye phi leh u chimwai ya ki lifejacket hei dor T. 50 chi sngi.
Kiwi won kiwa ye phi leh yow sah kynmoo i lai phi cha chnongpdeng
Halor waroh ki wa da dep kdaw chwa, ha Chnongpdeng ye phi u chimbynta sa kiwa dang boon ki jait ki kaam pynwyrngia. Ye phi u leh Scuba Diving, Snorkling, Zip lining, Cliff Diving, Rock Climbing, Kayaking. Ya kini waroh haap phi u pynbait wa ki tre chnong chwa u wan phi deiwa phone ha kini ki number; 9612090328, 9612089521, 8731096536.
Discussion about this post