Iwa emkaam u tip ya ka rai na ka yalang hei yatoh wa ki Kum LPG

Jowai : Katkam ka khubor na ka Office u Deputy Commissioner West Jaiñtia Hills, da pyntip u wa ha ka 8 tarik da pynman yalang hapyrdi kiwa dai gas kiwa kynthup ya ka M/s Ripnar Gas Agency wa ka M/s Rymbai Gas Agency wa u sahep na ka Indian Oil Corporation.

Ha kani ka yalang da epor ya kiwa dai gas ar bnai wow thied kari khian ki khnang wow ye ki u psiah cha ki kdong ki chmiang yow pynpoi ya ki tadong gas cha ki chnong wa em hapoh Jowai.

Nadooh 1 Duyatra (January) 2017, u pynman ya ka Home Delivery kawa krehkaam ha pyn ar kini ki wa dai gas.

Ya pyn ar kini kiwa dai gas yoh ki T. 45.5 neibynta ka Home Delivery wa kiwi kiwi, wei hanla kattæ leh kini kiwa dai gas ym em u pynpoi ki ya ki tadong gas cha manla ki thlu yung.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Nadooh wa sdang u Duyatra lada emkaam tadong gas ye u paan lyngba ka IVRS Number 9089024365. Manda man ka Tadong kawa su libooh ha ki thlu yung wei da dep thoh ya ka Cash Memo uwa libooh ya ki tadong u message u cha ki tre tadong wow pyntip ya ki i jooh.

U DC da kyntu u leh ya ki paidbah wymhoi u yang gas ki harood sarok iwa pynthut yei lai i wan wa iwi iwi wei ye ki leh u chah pynchitom katkam ka aiñ.

I dor ki tadong LPG daw pynkylla man la u bnai da ki Oil Marketing Companies (OMCs) ya kiwow pynmih ha ki kot khubor.

I dor wa katni yong ki tadong gas katni neibynta ki tadong wa 14.2kg toh T. 616 iwa kynthup ya T. 25 neibynta ka Home Delivery. Ki bor district da booh ki leh ya ka Hill Charges iwa T. 20.5. Kamtæ i dor kum gas toh (616+20.5) T. 636.5 chi cylinder. Ya ki tre kum kiwa nabar ka Jowai wei kiwa lithooh pyn na dukan i dor u man i (616-25) T. 591.

Lada kiwa dai ym bood ki yeini daw pynchitom ya ki katkam ka Marketing Discipline Guidelines 2015.