Iwa jia ha ka Public Hearing ka MCL yoo lakam wa chah thied ki pulit ha ki karkhana: FKJGP-JHZ

Ynne ka step, ka Federation of Khasi Jaiñtia & Garo People-Jaiñtia Hills Zone lyngba u President yong ka, u Tuesday Lytep da pynsñiaw u yei sñiawkhia hajrong i chah thombor ki paidbah ka thaaiñ Narpuh khamtam na ka chnong Wahiajer ha ki pulit heipor wa man ka Public Hearing ka MCL (Topcem).

Neiliang u Lytep da ong u wa i thmu wow pynheh ya kani ka karkhana ym pynmyntoi i ya ki paidbah ka thaaiñ la hei yoh khih yoh kreh, la hei rep wei ki yung tin wa yong da kylla rong lieh (tpai) ki.

Da ong u leh wa boi em leh ki bru samen ki wow yoh myntoi neini tangwa kiwa boon hi toh kiwa ym myntoi ki.

Chooh chooh da ong u wa iwa jia ye i wow em iyi iyi cha lyndet nadooh ki pulit hadooh u DC wa u Montri Rangbah.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Sñiawsih u leh wow yoo wa ha ka Public Hearing wa toh u pynsñiaw ki paidbah tangwa ym chah won ya ki wow psiah chapoh, iyi mut ini waroh?

Da ong u leh wa i siat Tear Gas wa ki Bomb kamjooh i sympat ya ki paidbah pyntakha i ya oo kam uwa yahkhmat yong ka seiñ neibhah da leh ya ki lakam ki mrad.

Heijooh i por da ong u wa hawa yoo yeiwa jia yoo lakam wa chah hukum (Order) ki pulit ha ki baar jylla wow dat ya ki paidbah iwa pynyoo wa lakam wa chah thied ki pulit ha ki karkhana.

Kamjooh leh da ong u wa hapoh 24 kynta emkaam wa ki ar ngut ki MLA na East Jaiñtia toh u pynsñiaw ki ya ki paidbah hajrong ini iwa jia kamjooh leh ki 7 ngut ki MLA ka Ri-loom Jaiñtia.