Iwa khor waroh da dep u pynbait sah sa i pynman Public Hearing yow ye noh u tih mooyong: Conrad

U Montri Rangbah ka jylla, u Conrad K Sangma da ong u wa i tih mooyong katkam ka stat Science daw sdang noh ko ym slem de hapoh ka jylla hanla em i kyllaiñ neidaw ki thaw wa em cha i toh da mantre da ki bru samen.

Hawa klam ynne ka sngi, u Conrad da ong wa ka jylla Meghalaya rap phær ko yei rukom mantre yei khyndaw wei manda wanrah dei rukum iwa katkam ka juk wa katni da em i kyllaiñ. Da ong u wa ka Supreme Court ka ri da pynmih hukum ko wa i tih mooyong toh u man i deiwa katkam ka juk wa katni, tangwa ka sorkar India ym em kyndon ko ya kitu ki thaw wa mantre da ki bru samen kam ha Meghalaya kawa yaphær na kiwi ki jylla heiwa yei khyndaw da mantre da ka sorkar.

Da ong u wa ha kiwi ki jylla neidaw wa mantre da ka sorkar yei thaw, ki bru samen kiwa kwah wow tih mooyong hap ki wow yaleh License yow chim wai yei paar na ka sorkar, tangwa cha i won da man ko mar dei khangtleiñ.

U Conrad da ong u wa neidaw wa ini i yaphær, da chimpor ya ka sorkar jylla wow yaklam wa ka sorkar India yow pait ya ki kyndon kiwa yahaap wa i long i man haka jylla Meghalaya.

Related posts

Em 151 tylli ki kreh wa thylli, phah u Wailad ya ka DSC wow thooh lada dang em chooh kiwa wa lait

May 16, 2025

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Da ong u leh iwa khor dooh i ieh toh iwa da lait wei da ye u pynbait wei i kaam wa sah toh yow pynman ya ki pynsñiaw paidbah namo ki Public Hearing chwa wow lai chakhmat neidaw wa ya ka Mining Plan wa kiwi kiwa emkaam da pdiang ka sorkar India.

Kamtæ da kyrmen u wa daw ye noh u krehkaam hadien ka yakhun wa slem.