U Symbood Montri Rangbah ka jylla uwa man leh kam u National Vice President ka NPP, u Prestone Tynsong da khyrwait u deiwa eh ya ka BJP kawa da pynsñiaw wa lada wan ko hei bor daw yatai sani bha ko ya ka ILP wei kamjooh i pynpsiah ya ka ktien Khasi wa Garo hapoh ka 8th Schedule.
Da ong u wa ini i klam yong ka BJP toh du wow pynbiej Election, neibhah kattu la 4 snem duna yeini i kaam da phah wei da sahkut ha Delhi hapoh ka sorkar yong ka BJP wot hadien wa ka sorkar MDA da lai ko wow pynknymoo hadooh 7-8 sien, tangwa ka sorkar BJP da booh ko cha kdong yei dawa yong ka sorkar jylla.
Da ong chooh chooh wa ka NPP ka chimkhia sakhiat ko ya ki phang wa ktah ya ka jylla wei kamwa da khlai ha ki kot kular Election ya ki kaam wow kreh, daw booddien biang ya kiwa dang sahteiñ yong ka jylla.
