U heh ka All India Majlis-e-Ittehadul Muslimeen (AIMIM), u Asaduddin Owaisi ynne hawa pynkut ya ki kyntien baam smai u kam u MP ka Lok Sabha da ong u ya ki kyntien wa ong ‘Jai Palestine, Allah-u-Akbar’.
U Owaisi kam u MP ka Hyderabad la san sien, hawa pynkut yei smai da ong u ‘Jai Bhim, Jai Meem, Jai Telangana, Jai Palestine, Takbeer, Allah-u-Akbar’.
Heipor wa lai u yow chim smai da em kiwa kbai Jai Shree Ram.
Ini i leh u Owaisi da pynchrai i ya ki MP ka BJP heiwa da em leh kiwa da lai wow ujor pyrchah yeini wa leh u deiwa dawa wow pyndam yeiwa klam u.
U Owaisi da jop u ya ka Election MP na Hyderbad deiwa pynrem ya u kyrtong ka BJP u Madhavi Lata da 3 lak tam ki Vote.
Heiyatoh wa i leh uni u heh ka AIMIM, neiliang u Montri ka Parliamentary Affairs, u Kiren Rijiju da ong u wa ym em i yachoon wa ka Palestine næ kiwi tawon ki ri tangwa da kylli u lada toh iwa miat wow sai yei pyrtuid kiwi ki ri hawa chim smai kam uwa mihkmat paidbah, wei neiliang yong oo da ong u wa daw pait kammon ong ki kyndon heiyatoh wa ini.
Neiliang u Owaisi da ong u wa kiwi ki MP leh klam ki boonjait wei neiliang yong oo da ong u ‘Jai Bheem, Jai Telangana, Jai Palestine’, deiwa kylli lada man iwa bakla, wei lada man i pyrchah ya ka riti synchaar ka ri, wei lada man i pyrchah wow pynyoo ya kitæ ki kyndon.
Hawa kylli ya oo lada kyrchaan u ya ka Palestine, da ong u wa ka Palestine toh kawa chah thombor kattæ deiwa kylli kammon jooh ong u Mahatma Gandhi chaphang ini wei wow puræ yei yi wa ong u.
Discussion about this post