Shillong: Aw jan dap T. 30 lak ka poisa da yoh kem na kiwa boon ki bynta ka jylla Meghalaya chwa wow poi ka sngi thap Vote Election MP cha ka Lok Sabha ha ka 11-04-19.
Hei yatoh wa ini u Chief Electoral Officer (CEO), u Fredrick R Kharkongor da pyntip u wa T. 3 Lak da yoh kem ki Static Surveillance Team (SST) na uwi u bru wa na chnong Mynso ha Khliehriat, EJH.
U tre ka poisa da ong u wa ka poisa wa rah u toh wow thied ya ka Truck Shaktiman wei u District Election Officer dang pynman u ya ka takit.
U CEO da pyntip wa ka poisa kawa da yoh kem na kylleiñ ka jylla da jan poi ko T. 30 Lak wa kynthup ya kiwa yoh kem ki Border Security Force (BSF) ha ki bynta khappood.
Da pyntip u leh wa hadien wa pynman ya ka takit kiwa boon hi kiwa rah poisa ym emkti ki waka Election wei pynlait noh ya ki.
U Kharkongor da pyntip u leh wa da yoh kem ki chiboon i kiad na chnong Mawryngkneng, East Khasi Hills District.
Discussion about this post