Jar jiar ka luti u lai ka UDP wa HSPDP ha ka Election MDC

Ki ar tylli ki seiñ Ri-loom kiwa em hapoh ka ka Regional Democratic Alliance (RDA), kitæ ka United Democratic Party (UDP) wa ka Hill State People’s Democratic Party (HSPDP) da rai ki wow lai jar jiar ha ka Election MDC kawa daw man ha ka KHADC wa JHADC.

Ya kani ka rai da chimlang ha ka yalang kawa da man ynnin ka sngi wa da pynlai da u President ka UDP, u Metbah Lyngdoh deiwa emlang u President ka HSPDP, u KP Pangniang najrong kiwa yahkhmat na waroh artylli ki seiñ.

Hawa klam cha kiwa thoh khubor, u Metbah da ong u wa kam ka RDA da rai wa ha kani ka Election MDC, ka UDP daw yakhun ko jar jiar wei ka HSPDP leh u yakhun ko dei yong ka hi.

Da ong u wa yeini i rai da pynchong yurim nei chem ha ki snem wa da lai noh wei i emkaam wow burom yei sñiaw yong kiwa kreh ka seiñ ha ki Constituency waphær waphær.

Related posts

E buit u Rakkam ya ki nong Meghalaya wow booh dukan doh masi ha khappood wa ka Assam

December 12, 2024

U pynchitom noh ya kiwa ah kilo ya ki mar rep

December 12, 2024

U Metbah da pyntip u leh wa ki ar tylli ki seiñ ri-loom daw pteiñ ki wow ya krehlang won ha ka lama yong ka RDA.

Da pynkynmoo u wa ka RDA toh ka thaw ym du neibynta wow yakhun Election tangwa neibynta wow chim ya ki mat waphær waphær kam ka Inner Line Permit (ILP), wow yoh yei tipmit ya ka ktien Khasi wa Garo hapoh ka 8^th Schedule ka riti synchaar ka ri, i pynbait ya u pood u ang wa kiwi kiwi ki phang wa ktah ya ki paidbah wa ya ka jylla.

Da ong u leh wa hanla da rai wym ya krehlang heipor Election, ym mut wa ka RDA ym em de ko tangwa u ya emlang hi wei daw pteiñ yei ya krehlang wei u em hi hapoh yong ka hadien ka Election leh.

Haba kylli, u President ka UDP da ong u wa waroh ar tylli ki seiñ man ki kiwa laitlooid wow pynyieñ ya kiwon kiwon ki kyrtong na kawon kawon ka Constituency wa kwah ki.