Jowai : Ha ka yakhun Quarter Final wa ar yong ka Tiger Five wada pynman daka Sports & Youth Affairs, Chilliangraij da yaleh hapyrdi ka Khliehtyrchi SC waka Chiruplang SC.
Haka yaleh kylla step pyn nawa sdang haka minit wa 2 ka Khliehtyrchi SC da yoh ko u thap lyngba u Dathrang Iakai, wei du hadien kattu katni por kiwa yaleh ka Chiruplang da pynyoo ki yei sap yong ki heiwa da yoh ki u thap haka minit wa 8 wa 9 lyngba u Shining Star Lamurong wa u Thun Tariang.
Haka kylla miet kiwa yaleh ka Chiruplang SC da pynyoo ki yei sap yong ki heiwa nawa sdang da ksoh ki yaka ball wei da ye ki u pynkhih yaka jaar yong ka Khliehtyrchi haka minit wa 32 lyngba u Bahnah Pyngrope, haka minit wa 53 lyngba u Masan War wa ha ka minit wa 58 lyngba u Shinig Star Lamurong.
Ha kani ka yaleh wa ynne ka sngi ka Chiruplang SC da psiah ko chaka Semi Final hadien wa pynrem ko yaka Khliehtyrchi SC da 5-1.
Mynstep ka 19 tarik daw yaleh ka Risa 4 Miles pyrchah ya ka Elsa SC kawa man leh ka Quarter Final wa khatdooh hei por 3:30 i janmiet.
Discussion about this post