Jowai : Ha ka yakhun Quarter Final wa ar yong ka Tiger Five wada pynman daka Sports & Youth Affairs, Chilliangraij da yaleh hapyrdi ka Super Galaxy SC pyrchah yaka We United SC.
Ha ka yaleh mar ya sdang ka We United da yoh ko u pynkhih yaka jaar kool lyngba u Raimiki Challam haka minit wa 2 katwa da pyrchang kiwa yaleh ka Super Galaxy u su kylliang ya kani ka kool tangwa hadooh wa kut ka kylla step da neh ko kawa 1-0.
Ha ka kylla miet mar ya sdang haka minit wa 31 da yoh biang ka We United lyngba u Dame Bareh, Jersey No. 6 u thap haka minit wa 43 lyngba u Thraiñ Khongiong, Jersey No. 10.
Dei mynsien wakhia wow ye u su kylliang yaki kool wada chah thap ki, kiwa yaleh yong ka Super Galaxy da ye ki u su yaka kool haka minit wa 45 lyngba u Dathrang I Dkhar.
Kiwa yaleh won ka We United deiwa suk da ye biang ki u thap yaka kool lyngba u Dame Bamon, Jersey No. 6 haka minit wa 52 wei hachwa wow kut da yoh biang ko u that yaka kool haka minit wa 59 lyngba u Donbok Bamon, Jersey no. 12. Kamtæ ka We United da jop ko da 5-1.
Hadien ka yaleh ynne ka sngi ka We United da psiah ko kam ka dhab wa ar cha ka Semi Final kani ka lympung.
Mynstep won ka yakhun daw man ko hapyrdi ka Elsa waka Khliehtyrchi.
Discussion about this post