Da u Soolangki D. Laloo
JHADC em naam ka ri Jaiñtia
Kylleiñ i man da bna,
Ka yung chna aiñ ki khon ka ri
Wa pait wa ksoh yei hok kynti.
Yung em naam ka Ri Jaiñtia
Ileh cha ya ka kamni wa jia?
Tynjooh wa wan tidiang timun
Kat cha wa pait wym em i hun.
Khia pyrkhat chooh chooh u tip wyrta
Yei ‘Rin sti’ wei thylli ka ‘Yarong poisa’
Wapli kiwa chakri ha ka waroh
Boon bnai thylli i man, tulop wym yoh.
Ish! dang em prooh jabæiñ hi mo, wow pyrkhat u sylli,
Dang em chkoor hi mo! wow sñiaw yei ood ki wapli.
Dang em khmat hi mo! wa chynna u thwat luti,
Ya ka JHADC em naam, u yah cha ka thong deiwi.
Bichaar khon ka ri daphi
Hawa kamni, yei yi u kynnoh u kdaw kti?
Ya kiwa chong wa ksoh yow dieñ synchaar hapoh
Namo ya ki khon ka ri waroh.
