Ha ini i por wa da mih biang ka phang luti rel hapoh Meghalaya, da mih khubor wow yaroh ya kawi ka chnong hapoh ka jylla yei em ki khynnah wa chong kari dieñ ha ki luti rel wa chna da chken ki siej.
Ini da jia i hadien wa iwi i Video wa pynyoo ya ki khynnah wa chong kari dieñ (kiwa sariem wa ki kari Ball Bearing) ha ki luti rel wa chna da ki chken ki siej da poor bha i kattæ ha ki rynsan Social Media deiwa ong ki bru wa ini toh iwa da jia ha kawi ka chnong wa em ha Meghalaya hanla ym em tip iyi i pyrtuid ka chnong.
Tangwa hei yong sakhiat ini toh iwa jia ha iwi i chnong wa em ha West Java, Indonesia wei da booh ki ha Instagram da ki bru na Indonesia kawa man ka Account chaphang ki Train wa em hapoh kani ka ri kamjooh ha Facebook da ki bru kiwa na Indonesia.
Hadien won da em kiwi won kiwa tooh yeini wei da booh (Post) ki ya ini i Video ha ka Account yong ki deiwa kam ki wa ini toh iwa da jia ha Meghalaya heiwa ki laad pathai khubor ka ri India da ngait ki wei da pynmih khubor ki wow yaroh yeiwa stat kiwa chna ya kani ka luti rel heiwa ki khynnah da ka-it kasar ki wow pynemkaam da ki kari dieñ wow chong wah-wah neiñ-neiñ wei da kynmoo tympang kiwa boon yei por khynnah ki.
Ha ini i Video da pynyoo wa kini ki luti rel namo ki Track toh kiwa ye u pynkylla yow lai chibet na uwi chibet won na uwi (Track Switching).
Ki Link wow pait ya ini i Video da booh ha wah:
Discussion about this post