Ka IIM Shillong da pdiang ko ya 400 ngut ki wow puræ hapoh ka Post Graduate Program (PGP) ha ki kaam Management, yow yoh ki ya ka MBA Degree. Kini man ki leh kam ka 17th Batch kani ka PGP nadooh wa pdiang ya ka Batch wa nyngkong ha u 2008.
I jied ya kiwa yoh u lai puræ da sdang ko da ka CAT Exam heiwa ha uni u snem ka IIM Shillong da yoh ko 2,29,533 ngut kiwa yaleh heiwa da pynman ya ka Personal Interview (PI) ha Mumbai, Bengaluru, Hyderabad, Delhi wa Kolkata nadooh u February hadooh April 2024 wei hei khaddooh da jied 400 ngut yow lai puræ PGP 2024-26 Batch.
Na kiwa chah jied da em 45% ki kynthai wa 55% ki chynrang heiwa deiwa kheiñ yonglang i rta ki da man i 23.7 snem heiwa uwa khian dooh toh 20 snem katwa uwa heh dooh toh 29 snem. Wei kiwa boon toh 35% kiwa em Engineering Degrees wa 65% won na kiwi ki jait puræ kam ki MA, M.Com, ME, MS/MSc, MSc-Integrated wa MTech-Integrated.
72% na kini toh kiwa da dep jooh kreh wei da wan ki na 21 tylli ki jylla wa 2 tylli ki Union Territories ka ri.
Ka IIM Shillong toh kawa da wai ha u snem 2007 wei da man ko ka IIM wa ynñiaw hapoh ka ri.
Discussion about this post