Ka Jaiñtia Students’ Movement (JSM) Wahiajer-Ummulong Area, da chim ko yei rai wa nadooh myntu ka sngi wow pynlai skur ya ki khonswet kiwa napoh kani ka thaaiñ kamjooh kiwa dooh wa rangli deiwa pynbiang ya ka bai skur, ki kot ki sla wa ki sula skur.
Kamtæ kam chibynta wow sdang yeini, ynne da pynman ya ka yalang wa da emlang leh u Organising Secretary, u G. Muktieh wei da yoh ya ki kyntien pdiang burom na u Vice President, u S. Supuh, u General Secretary, u H. Supuh uwa da ong wa ini toh kam chibynta wow yarap wei wow kyntu kynrong ya ki paradoh parasnaam haka imlang sahlang.
Da ong u leh wa ini u man ko kam wow wailaad wai luti ya ki khynnah, wei da kyrpaad u ya ki wow sñiawbha u pynemkaam hok ya kani ka kabu ksiar khnang wow yoh ya ka pangsnget ksiar hawa im ki khnang wow im i pyrtuid wei wow sah i naam ha waroh ki sngi.
Ha kani ka sngi ka seiñ da jied ko ya 5 ngut ki khynnah wow pynlai skur wei kini ym toh kiwa da dam u lai skur tangwa u pynlut noh da ka seiñ yeiwa emkaam ki hadooh wa pyndep Class-X wei kini kiwa da jied man ki leh ki khonswet wa kiwa wan na ki manyung wa dooh wa duk kiwa man kamni ha wah:
- Ka Anamika Lamin, Class-IX (Wahiajer Presbyterian School).
- U Kerien Suting, Class-IV (Little Flower Primary School Ummulong).
- U Raikini Dhar, Class-III (Achiever Secondary School Ummulong).
- U Lamiki Muruh, Class-I (Achiever Secondary school Ummulong).
- U Levenson Muktieh, Class-III, (Little Flower Primary school Ummulong).
