I rai wow sahkynmoo yei yaleh Cricket hapoh ka jylla heiwa neiliang ka Meghalaya Cricket Association (MCA) da rai ko wym khut ya kiwa yalehke wa tip kam ki Guest Professional Player kiwa na baar ha ki yalehke wa sdang yaka samoi 2023-24 ka Ranji Trophy, wei u chaniah du ha i sap yong kiwa yalehke wa chong wa sah hapoh ka jylla ha kani ka lympung wa man leh kam ka First Class Tournament.
Ka Meghalaya da jooh pynemkaam ko le ngut ki Professional Player haka Syed Mushtaq Ali Trophy T20 Tournament wa haka Vijay Hazare Trophy One Day Tournament wei kini toh u Rajesh Bishnoi, u Tanmay Mishra wa u Nakul Verma kiwa da yarap wei da pynku ki yaka yalehke tangwa i thong ka MCA nadooh nachwa toh yow pynku ya kiwa yalehke kiwa da pynheh pynsan da ka Association hi.
Da ini daw man ko ka laad ka kabu kamjooh i yakhun wa eh ya kiwa yalehke ka Meghalaya wow pynyoo ki hadooh katwon i sap i tap ki ha kani ka rynsan wa heh.
Ka Meghalaya daw yalehke nyngkong ko pyrchah yaka Arunachal Pradesh ha Anand, Gujarat nadooh ka 5 tarik wei kiwi de ki liang wa em hapoh ka jooh ka Group toh ka Hyderabad, Nagaland, Mizoram wa Sikkim.
Kini ki 15 ngut kiwa da chah jied daw yahkhmat ki da u Kishan Lyngdoh kam u Captain. U Akash Kumar Choudhary uwa toh u man kam u Vice Captain daw dooh u yalehke neidaw wa takha u wei yei thaw yong oo daw chimkti da u Chengkam Sangma uwa man kam uwa kawang bol.
Kiwa yalehke ka Meghalaya: Arbin Singh, Arien Bonchang Sangma, Bamanbha Shangpliang, Bijon Dey, Dippu Ch Sangma, Jaskirat Singh Sachdeva, Kishan Lyngdoh, Lerry G Sangma, Md Nafees Siddique, Ram Gurung, Raj Biswa, Swarajeet Das, Sanvert Kurkalang, Tarique Siddique
Support Staff: Goutam Shome (Head Coach), Moisten Ch Marak (Assistant Coach), Surojit Biswas (Physio), Vikash Singh Chauhan (Trainer), Dister Marbaniang (Manager)
Ki tarik yalehke:
vs Arunachal Pradesh, nadooh 5 tarik January
vs Hyderabad, nadooh 12 tarik January
vs Nagaland, nadooh 19 tarik u January
vs Mizoram, nadooh 26 tarik January
vs Sikkim, nadooh 2 tarik u February
Discussion about this post