Ynne ka 6 tarik, ka chnong Narwan wa em ha East Jaiñtia Hills District da yoh ko ya u waheh chnong wa pura yong ka hadien 7 bnai wym em waheh chnong pura ko, itæ nadooh u Naikhynde, 2020 heiwa da pait chipor da u Lamsuk Langstang kam u Acting waheh chnong uwa jooh man leh u waheh chnong warim.
U Lamsuk ynne ka sngi da jied noh ya oo kam u waheh chnong wa pura yong ka chnong Narwan deiwa pynman yei jied waheh chnong deiwa thap Vote wa wan chimbynta da ki chynrang wa kyntai kawa pynlai da u Acting Dolloi ka Elaka Shangpung u Dolloi Chanki Langbang.
Ha kani ka jied waheh chnong da em 3 ngut ki kyrtong heiwa u Lamsuk Langstang da jop suk u heiwa i yoh Vote man ki kamni ha wah:
- Lamsuk Langstang- 939 Vote
- Edwin Shadap- 243 Vote
- Eric Dkhar- 108 Vote
Kiwa thap Vote waroh da em ki 2015 ngut, heiwa kiwa wan thap Vote da em ki 1313 ngut. U Lamsuk Langstang heijooh i por leh man u kam u President ka HNYF Eastern Region (Jaiñtia Hills East-West Jaiñtia).
Ka kyrwoh wa da pynlait da u Winderson Shadap, Secretary Dorbar Chnong Narwan.
