Ka sorkar Meghalaya ynne da pynbna ko wa da jied ko ya u Dr. Laija Ram Bishnoi na ki pyrtuid wa da phah da ka UPSC yow man kam u Director General of Police namo u khliehdooh yong ki pulit hapoh ka jylla.
U Dr. Laija Ram Bishnoi, IPS (RR 1991) toh uwa man kattæ kam u Special Director of Police (Training & Armed Police), Assam.
Ki pyrtuid kiwa ka UPSC da phah ko cha ka sorkar jylla kynthup ki ya u Mukesh Agrawal, u K.V. Singh Deo (kiwa man yong u snem 1989 Batch IPS) wa u L. Ram Bishnoi (yong u snem 1991 Batch) wei ya kini ki pyrtuid da phah da ka UPSC nadooh ka 09-02-22.
Neiliang ka sorkar da chimpor ko wow jied neidaw wa waroh kini ki le ngut toh ki wym pu em kreh hapoh Meghalaya.
Ha kini ki 4 bnai wym em DGP wa pura hadien wa chongngiah noh u R Chandranathan uwa man u DGP warim, ya ini i kaam da chimkti chipor da ka Special DGP, ka Idashisha Nongrang.
