Ka yalang ka State Task Force Meeting heiyatoh wa i e COVID-19 Vaccine namo i dawai yada na uni u khñiang khlam da pynman haka 19 tarik uni u bnai kawa da chongknor da u Sampath Kumar IAS, Commissioner & Secretary Health & Family Welfare ha National Health Mission Meghalaya. Ya kani ka yalang da embynta lang da u Mission Director NHM, Director Health Services Research, kiwa mihkhmat yaka Social Welfare Department, Urban Affairs Department, UNDP, WHO, IAP wa kiwa na ki seiñ niam kamjooh ki sahep wa ki wakreh ka State Health Department wa National Health Mission.
Ka thong kani ka yalang toh wow pynkhreh chwa yaki laad ki luti manda wan e yow pynemkaam ya i COVID-19 Vaccine hapoh ka jylla.
Ha kani ka yalang da chim yeiwa tyrwa, iwa da e buit da kiwa ya emlang wa manda e COVID-19 Vaccine yow man ko kawa lai bait lai ryntih. I rukom e yaka Vaccine daw leh chi bhah chi bhah. Neiliang ka sorkar pyrdi ym pu em u e ko yaka rai ya iwon i Vaccine wow pynemkaam. Tangwa deiwa pyrkhat yeiwa heh ini i kaam, da emkaam wow pynkreh chwa yow ye u leh yeiwa emkaam. Kamtæ ka Task Force da yachem ko yow pynbait yaki kyndon ki wow pynkrehkaam.
Katkam wa phah daka sorkar pyrdi, ka jylla da jied ko ya kamwa 25,000 ki bru wakreh ha i chait i khiah wa kynthup ya kiwa kreh sorkar wa ki yong ki bru samen ki wow yoh nyngkong haka bhah wa nyngkong (First Phase) i Vaccine.
