Jied ka UDP ya u Metbah kam uwa yahkhmat ka PP

Shillong: Ki MLA ka United Democratic Party (UDP) ynne ka janmiet da jied ki ya u Metbah Lyngdoh uwa man leh u Working President ka UDP wow man kam uwa yahkhmat ka Parliamentary Party (PP) hadien i khlaad noh u President ka Party uwa man leh u Lamphang ha ka yung dorbar, u Dr. Donkupar Roy.

U Lahkmen Rymbui da pyntip u wa ki MLA ka Party kiwa em 8 ngut wa kynthup ya ki MLA samen wa da lai pynyabi lang cha ka Party, u SK Sunn wa u Samuel Sangma da chim lang ki ya kani ka rai wow pynkhamti ha u MLA ka Mairang uwa man leh u Montri ha ka sorkar kam uwa yahkhmat ka PP.

“Hadien wa khlaad noh yong u President (Dr. Don) i da sñiaw i kam ki khonswet. Tangwa kam ka Party kawa em ka thong wow yah luti ya ka jylla, i da rai i wow jied noh katni ya uwa yahkhmat yong i ha ka PP,” da ong u.