Ka East Jaiñtia District Sports Association (EJDSA), hadien wa da kut i por yong kiwa kitkaam warim, da yoh wow jied wei pynskem ya kiwa kitkaam wa thymme ha ka 22 tarik uni u bnai ha Circuit House, Deinchynrum Khliehriat, hapoh i yahkhmat wei pynlai yong u Deputy Commissioner, East Jaiñtia Hills District, u E. Kharmalki, IAS, uwa man leh u President yong ka Association.
Kiwa kitkaam wa thymme ka EJDSA man ki kamni:
President- U E. Kharmalki, IAS, Deputy Commissioner
General Secretary- U C. Tlang
Working President- U P. Dkhar
Vice President- U Joshua Sajem
Vice President- U Rymphang Nongtdu
Vice President- U Welbert Nongtdu
Joint Secretary- U Takmon L. Gympad wa u Deibormi Syad.
Treasurer- U Chawas Nongtdu
Ki dkhot: U K. Passah(DSO), u James Sutnga, u Evangalis Shadap, u Wompher Lamare, u Tyrnit Pdein, u Nicolas Rymbai, u Anrico Rymbai, u Satly Ryngkhlem, u Shining Rymbai, u Benjamin Darnei, u Kwilnis Suchiang, u Rinimon Shylla, u Knerlang Pala wa u Jenify Rupsi.
Da jied leh ya u Niyo Rymbai wa u Norly Ryngkhlem kam kiwa e buit (Adviser) ya ka Association.
Ha kani ka jooh ka sngi leh, ka EJDSA da pynkup burom ko ya ki dkhot wa da rim dooh ki yong ka. Kini kynthup ki ya u Bilising Bareh, u Elad Pajuh wa u Pilmon Sana. Kini toh kiwa da chakri da ki phaw snem ya ka Sports Association yong ka East Jaiñtia Hills District nadooh nachwa wa dang man kam ka Sub-Division.
Ya kine ki waheh da pynkup burom da u Deputy Commissioner, u District Sports Officer wa u Norly Ryngkhlem. Da e leh ya ki Memento sahnaam cha kini ki waheh wei da yoh leh yei kyrkhu na kini ki dkhot warim ka Association neibynta wow roi wow paar chooh chooh ka EJDSA.
