Jied waheh chnong thymme ka Mukhnang

U Juhhi Tariang da chah jied u kam u waheh chnong wa pura ka Dorbar Chnong Mukhnang, West Jaiñtia Hills hei jied waheh chnong wa thymme wa da man ha ka 27 tarik uni u bnai.

Ha ini i jied waheh chnong da emlang u Dolloi ka Elaka Nongjngi u Pius Daw uwa da pynbna leh ya u Juhhi Tariang kam u waheh chnong wa pura ka chnong Mukhnang hadien wa pynman jied waheh chnong deiwa rah kti.

U Juhhi Tariang da man u kam u waheh chnong hei sien wa nyngkong wei man leh kam u khynroo wa kit wa bah ya ka kam imlang sahlang wei man u leh kam u dkhot wa chitrhem yong ka Khasi Students’ Union (KSU) wei uwa angnood wow wanrah yei kylla hapoh ka chnong ka thaw.

Hawa e yei klam ha kani ka sngi, u Juhhi Tariang da khut da wer u ya ki waheh, ki manbei manpa wa ki khon khynroo wow ya krehlang neibynta ki kaam yong ka chnong kam kiwa chi yung chi sem.