Ka Dorbar Chnong Shangpung Pohshnong, hadien wa dadep pynman ko ya ka Election jied Waheh Chnong ha ka 22 tarik uni u bnai, da yoh ko ya u Waheh Chnong thymme da u Leading Star Niang hadien wa da jop u ya ar ngut kiwi ki kyrtong kitæ u Rapki S Passah wa u Firstborn Chen.
Hadien wa da yoh ya u waheh chnong thymme, ha ka sngi wa bood ka 23 tarik da pynman yei yalang paidbah (General Meeting) yong ka Dorbar Chnong heiwa da rai da iwi i yumut wow jied thymme ya kiwa kitkaam yong ka neibynta i krehkaam wa 3 snem (2022-2025).
Da jied leh ya waroh kiwi kiwa kitkaam kiwa man kamni hapoh:
- Waheh Chnong- Leading Star Niang
- Assistant Waheh Chnong- Thmumiki Iakai
- General Secretary- Overmoon Suchiang
- Assistant Secretary- Eladmi Lapasam
- Chairman- Wailad S Passah
- Treasurer- Marlamki S. Manner
Da jied leh ya kiwa kitkaam yong ki Sub-Committee waphær waphær ha katai ka sngi.
