Joo umkhmat ka Ampareen deiwa kmen hadien wa pynkut noh ka HC ya ka mukotduma sia lieh

Ka Ampareen Lyngdoh kawa man kam ka Montri ka chnat i chait i khiah da joo umkhmat ko deiwa kmen hadien wa ka Meghalaya High Court ynne da pyndam ko ya waroh kiwa da ujor pyrchah ya ka hadooh kawa da booh da ka CBI deilang ki mukotduma heiyatoh wa i chah pynbaad wa pynykylla ko ya ka Score Sheet kiwa yaleh kreh Assistant Teacher ha ki Lower Primary School ka sorkar ha u snem 2008-09.

I takit yeini wa jia da chimkti da ka CBI wei da sahkut kattu da 17 snem.

Ha u snem 2009, ka Ampareen da chah pynbaad ko wa emkti ko wow biah sia lieh yow pynkylla ya ki Marks kiwa yaleh kreh wei ha itu i por man ko kam ka Education Minister.

Ynne ka sngi hadien wa yoh yei rai na ka High Court, da pynman yei yachem wa kyrpang wa kiwa ha-yung ha-sem ko ha thaw sah ko ha Laitumkhrah heiwa da ya kdung wei ya e mynsien wei heini i por ym ye de ko khlem da joo umkhmat hadien wa da yakhun da palat 10 snem kattu.

Related posts

Booh ka sorkar USA ya ka Map wa pura ka India | Chrai ka Pakistan

February 7, 2026

Lai kem mooyong ki bor sorkar na 21 tylli ki thaw wa em ha East Jaiñtia Hills

February 7, 2026

Hawa kylli lada lai ka CBI cha ka Supreme Court heiyatoh wa ini, neiliang ka muktiar ka Ampareen da ong ko wa da pynkhreh ki wow yakhun yei jooh.

Hadooh wa pynmih ya kani ka khubor ym pu em yoh u puræ yei rai ka High Court tangwa kiwa tip yeini da ong ki toh neidaw wym ye u pynsakhiat wa em i leh thok kamwa da chah pynbaad.