Joo umkhmat ka manbei wym ye u chna ya u sarok na Umsalait cha Iooski la 20 snem uwa jrong du 2.5 Km

Kawi ka manbei kawa na chnong Umsalait da joo umkhmat ko ynne hawa klam yei sih sarok ha chnong ko wa em hapoh ka Laskein C&RD Block ha West Jaiñtia Hills ha ka yalang wa da pynman kam chibynta ka CM-Connect kawa da pynman ha Shangpung, Moosyiem.

“Heipor wa dang khynnah O da yoo ya kani ka sarok na chnong O hadooh ha Iooksi kawa da ieh khlem pynchna. Kut ka Election ki kyrtong da wan ki wow kular lada jop ki daw pynchna ki tangwa hadooh katni leh ym em leh yeini hadien 20 snem,” da ong kani ka manbei.

Neiliang u Comingone Ymbon, uwa man leh kam uwa mihkhmat ka thaaiñ da kular u wow leh yeini neibhah da em ka mang tangka wow leh yeini wei i kreh leh daw sdang i ym slem de ya uni u sarok na Umsaliat cha Iooksi uwa jrong 2.5 Km.

Waroh da em kamwa 40 ngut ki bru paidbah kiwa da wan chakhmat wow klam yei eh i khoo wa da maad ki kam kiwa chong chnong ka thaaiñ.

Related posts

Da chim ya ka Statement u pulit wa yah ya ka kari wa ya tyrrah wa ka thuk-thuk

November 24, 2024

Thung ka sorkar da ka Committee yow pynthymme noh yei rukom krehkaam ka MPSC

November 24, 2024

Kani ka CM Connect toh kawa da pynman yow yoh ki bru paidbah wow yachem mar dei khmat yow pynsñiaw hakhmat u Montri Rangbah kamjooh wow pynlait la’ær ki wei wow pynyoo yei chrai yei wym biang ki kreh ka sorkar kamjooh yei wym biang i rukom saam ya ki Scheme sorkar.

Neiliang u Montri Rangbah, u Conrad K Sangma da pynche wei da batai u yeiwa da thmu ka sorkar wow pynbait ya ini waroh i eh.

Kiwa boon wa wan chakhmat da klam ki yei sih ki sarok, i wym biang ki skur, ki thaw sumaar wa i pynkrehkaam ya ka JJM wa kiwi kiwi de.

U Conrad hawa e yei klam da ong u ka ki thaw puræ wa em hapoh ka jylla da pynku kyrdan ki wei heiyatoh waka Laskein Block leh u leh kamjooh. Heiyatoh wa ki thaw sumaar da ong u wa ka sorkar u pynku kyrdan ko ya ki PHC cha ki CHC wei ha Laskein Block leh daw jied ya kiwon wow pynku kyrdan.

Da khana u leh wa kamwa 1600 tylli ki chnong ki wym biang sarok ha Meghalaya wei ya kini ki sarok ym ye wow yarap da ka sorkar pyrdi hapoh ki kreh National Highway wa PMGSY næ hapoh ki State Scheme neibha wym em kyndon wow leh yeini, kamtæ ka sorkar jylla da sdang ko da ka Chief Minister’s Rural Road Connectivity Scheme yow pyntikna wa ki sarok wym haap hapoh ki Scheme ka sorkar pyrdi daw leh ya ki hapoh ka Scheme ka sorkar jylla wei dadep jied ya ki sarok wow em hapoh kani ka Scheme.

Neiliang ki paidbah da paan ki leh ya ki madanbol, ki Police Outpost khamtam ha ki thaaiñ khapood, ki yung krehkaam neibynta ki Village Organization, u em ya ki SSLC Exam Center, ki Bank, ki yingkieñ kjat, ki yaaw neibynta ki warep wei wow pynku ya ki kaam uiñke suwari.