Shillong: Ki dkhot ka Meghalaya EMRI Worker Union (MEMRIWU) da joo umkhmat ki hadien i yachem wa u montri ka chait ka khiah u AL Hek ha kamra krehkaam yong oo ynne ka sngi.
Ki dkhot wa kyntup ya u President ka Union da joo umkhmat ki hadien wa i yachem wa u montri ym em mihsoh ko hapyrdi ka yakhih chah thngan kawa khlem booh por kawa dang pteiñ hi.
U President ka Union, u Roipar Kharraswai hawa kylli chaphang ka yakhih yong ki, da joo umkhmat u wei da ong u wa hadooh ynne, 8 ngut ki dkhot yong ki da poi Hospital ki ha kini ki 4 sngi wa chah thngan ki wei kiwa dang chah thngan dang ki hei chitom.
“I kwah i yaka sorkar wow tuklar ko yow leh ko ya iwa emkaam wa da joor chitom kiwa krehlang yow pynbait ya kani ka kaam deiwa ap yeiwa dawa yong i,” ong u Kharraswai.
Da ong u leh wa emkaam yaka sorkar wow khut ko yaka yalang wa waroh ki dkhot ka Union, kiwa pynlai yaka GVK wa ki sahep sorkar.
Hawa kylli, da ong u wa u montri ym em kular u iyi iyi leh hajrong kani ka kaam kamtæ da man ko kawa sepai.
Ya ki dkhot ka Union da synraan lang da kiwa yahkhmat ka Federation of Khasi Jaintia People (FKJGP) waka Khasi Student Union (KSU) Central Body.
Neiliang kini ki seiñbhalang da kyntu ki yaka sorkar wow chimkhia ya kani ka kaam wa ya i eh i khoo wa yachem ki wakreh ka GVK EMRI.
(Feature Image-File Photo)
Discussion about this post