U MDC ka Mylliem uwa man leh u kyrtong ka seiñ Congress na katai hi ka Constituency, u Ronnie V Lyngdoh da joo umkhmat u brup wei da lung mynsien hawa kynmoo ya ka bei ha ka yalang kawa da man ha Madan Nongkseh.
Ini i joo umkhmat u MLA warim katai ka Constituency toh hawa klam u hajrong i chah pynbaad wa da chna yung u ya ka bei u ha Laitumkhrah, da khana u wa ka bei u da klam che ko deiwa ong, “Khon ham chim poisa na Mylliem yow chna yung ya nga”.
U Ronnie da ong u wa da thaad ki ya oo wa da chna yung u ya ka bei tangwa ong ya ki paidbah wow bichaar wei wow pait uyi wa chna yung katni.
Chooh chooh da ong u wa kiwa wan ha ka sngi yap ka bei u yoo hi ki ha kam iwon i yung wa sah ko wei ka jooh ong ko wa ym kwah ko ya ka poisa ki paidbah ka Mylliem chi tyngka leh.
