Joor biang ka yaleh ha Manipur, sdang sa i pynemkaam da ki Drone wow pynhaap Bomb 

I yasiat ha Manipur da sdang joor biang i heiwa da dooh ya i mynsien yong kawi ka manbei kawa tip kam ka Nganbam Surbala (31 snem) katwa ka khon ko kawa dang 8 snem da mynsoo ka kti timun ko wei da em leh ar ngut ki pulit wa le ngut ki bru wa paidbah wa da mynsoo.

Yow lai tem yeini, ka sorkar Manipur da phah ko ya ki heh pulit wow lai kynreh ya ki thaw khloo hadien wa jia i yasiat ynnin i step heipor kamwa 5:30 ha ki thaw wa em ha khap ka Imphal West District waka Kangpokpi District.  

Ha i jia wym poi pyrkhat ha Koutruk, Imphal West, ki seiñ kieñ suloi wa suba toh ki Kuki da pynhaap ki ya ki RPG (Rocket Propelled Grenade) deiwa pynemkaam ya ki High Tech Drone, da ong ka Manipur Police.

Neiliang ki pulit da ong ki wa deiwa pynemkaam da kini ki jait Drone da pynjoor ko yei yaleh pyrchah ya ki chipai wei kamjooh ki bru paidbah.

Related posts

Yoh pynlait ka KSU Delhi Unit sa kawi ka kynthai na East Jaiñtia Hills kawa da em hei maa

May 14, 2025

Lai pait u Conrad ya ka paikhana skur wa chna da ki Plastic wa da noh

May 14, 2025

Ki pulit da suba ki wa da em ki bru kiwa da pliah bha wow leh yeini kiwa da wan wow pynyoo kammon wow leh yeini i kaam wei neiliang ki bor sorkar daw pait bha ki yeiwa jia khnang wow ye u leh yeiwa emkaam.

Uwi won u heh pulit da ong u wa ki Drone da pynhaap ki hadooh 7 tylli ki Bomb ha ki yung wa em ha Koutruk, i chnong wa jngai 20 Km na Imphal.

I awri ha chnong Koutruk da sdang i nadooh ynnin i miet heiwa da chah thang ki yung wa ki Truck khamtam hadien wa yut rieh kiwa chong chnong mar ya sdang i yasiat.

U Director General of Police da phah u leh ya waroh ki Superintendent of Police wow man kiwa husiar wei wow sdang u lai kynreh ya kini ki dkhot ki seiñ kieñ suloi. 

Heipor wa sdang hiar thma ki dkhot ki seiñ Kuki ha Koutruk ynnin, da jia i khlaad ka manbei wei mynsoo ka khon ko. 

Neiliang ki seiñ Kuki da pynbaad ki wa ki Meitei da sdang chwa ki wow siat ya ki chnong Kuki ha Kangpokpi, kamtæ ki da siat kylla ki nei thaw wa em ki iwa hajrong u loom.

Katkam ka khubor wa da yoh, i yasiat da sdang i nadooh 2:00 waje i sngi wei da neh i hadooh 7:30 i miet.

I chnong Koutruk toh i chnong ki Meitei iwa em ha Imphal West District hajan wa u pood wa em ki chnong ki Kuki-Zomi hapoh Kangpokpi District wei da man ko leh ka thaw kawa chah ktah dooh hei yasiat.

Ha iwi won i liang, ha ka thma poh-ri ka Myanmar da pynemkaam bha da ki Drone da kiwa yaleh pyrchah ya ki chipai ka sorkar.