Jowai: U slap wa joor uwa da hiar ha kini ki le sngi da sakhi leh chiboon i chah ktah na oo, uni u slap ynne ye u man uwa joor dooh ha uni u snem neibhah wa ka Wah Myntdu ha ki bynta ka Treriat (Pohkhyllem) da kynjoh ka um chadooh cha sarok.
Da yoh leh u sakhi ya i oor khyndaw wa ki chram ha kylleiñ ka Jowai kam ha Riatsasim, Iawmusiang (U sarok wa lai nadien ka yung krehkaam u DC ka West Jaiñtia Hills) wa kiwi kiwi ki thaw.
Ha Panaliar da pat uwi u chrot bordiñ wei da poi u cha tre synrang wei ki wakreh ka MeECL chem chitom ki wow sai oo katwa kamtæ kiwa boon ki bynta ka Panaliar wa Loomiongkjam daw man ki kiwa khlem bordiñ myntu waroh chimiet.
Da em leh i pat ki dieñ hapyrdi sarok wa i oor khyndaw iwa da wanrah yei sahkut ki kari ha u sarok na Jowai cha Shillong.
Da hap pyndam wei da kyrriah tarik leh ya kiwa boon ki kaam yalehke bol hadooh ki Fete kiwa da toh u pynman ynnin wa ynne ka sngi.
Discussion about this post