Hadien wa wan lai pait ka Jaiñtia Students Movement (Western Region) lyngba u General Secretary C. Talang, da chem ka seiñ dei khmat wa yoo phylla wa wot ha kini ki por Lockdown dang yoh laad ki bru u kit tooh ya u moo, u chyiap na i bynta Mynkrem ka wah Myntdu.
Ka seiñ da chem ko yaki moo wa pyllang ki bru wa da pyntip da kiwa lai khwe kiwa da ong wa da jngud ka um nei tih chyiap we tih moo ki bru ha katai ka wah.
Ka seiñ hadien wa yachem ko wa ki kattu katni ki warep wa em chajan da ong ki wa lada kamni bait u kit moo, kit chyiap ki bru na kani ka wah daw oor wot ki hali ki pata wa em cha jan.
Neiliang ka seiñ deiwa sniawkhia wa lada ka chnat Forest ym chimkhia ko daw chah ktah leh wot ka um, kawa dih waroh ka chnong Jowai kawa taan na kani ka wah.
Kamtæ neiliang ka seiñ da kyntu ko yaka chnat Forest wow lai sylli ko dei khmat wa chah kit tooh ki moo wa u chyiap wei wow pynchitom yaki katkam ka aiñ.
Discussion about this post