Kiwa yahkhmat ki chnong wa em ha Amlarem Sub-Division wa kynthup lang ya ki soo tylli ki Elaka da thoh ki cha Sub-Divisional Officer ka Amlarem Civil Sub-Division, West Jaiñtia Hills hajrong wa joor i sahkut kari ha u sarok NH-40(E).
Da ong wa ha kini ki sngi da mih i sahkut kari wa joor neidaw wa ki kari wa khayi mar cha Bangladesh da yaknieh ki wow lai chaphrang heiwa kini ki truck ym em bood ki yaki kyndon wa da booh iwa da ktah kylla yaki bru paidbah wa lai luti.
Da tyrwa wa yow lait na ini, ym toh wow chah u pynyieñ ki kari wa kit mar ha waroh chi lynter u sarok NH-40(E) itæ nadooh na thaw tih moochuni u Himantam Nonglamin hadooh ka chnong Nongtalang Amsohmeheleng 1st Quarry.
Sa iwa da ong leh wo kiwa chalan mar (Exporter) toh u bood ki yaki rai wa da pynmih ha kiwa boon ki yalang ka Covid Management Committee wei wow pynchitom ya kitu kiwa leh pyrchah.
Kamtæ da kyntu ya Sub-Divisional Officer wow chimkhai ya ini kaam yow lait na ini i sahkut kari neini chakhmat.
