Ka Bangladesh da sakhi biang ko ya i yakhih nadooh ka 18 tarik hadien wa yap u Sharif Osman Hadi, iwa da sdang na nongbah Dhaka, heiwa da chah hiar thma ki yung krehkaam ki kotkhubor, ka Indian High Commission ha Dhaka wa kiwi.
U Hadi, toh uwi na kiwa yahkhmat ya ka ‘July Revolution’ ha u July 2024 uwa e ktien ka Inqilab Manch, wei da yap noh u ha Evercare Hospital, Singapore.
Da mynsoo u hadien wa chah siat u ha khlieh ha ka tayaaw wa dadep ha Bijoynagar, Dhaka heipor wa sdang wot u ya ka Election Campaign kam u kyrtong samen heiwa da mih kiwa boon wow pynbaad emkti ka India wow siat ya oo.
Ki ar ngut wa siat ya oo da wan ki da ka thuk-thuk heipor wa lai luti u da ka Rickshaw wei mar chah siat da kit ya oo cha Dhaka Medical College Hospital (DMCH) neitæ won cha Singapore.
Mar ya poor ka khubor wa yap u Hadi, ki dkhot ka July Moncho da yalang ki ha Shahbagh, Dhaka wow dawa yei hok wei da hiar thma ki ya ka yung krehkaam ka Indian Assistant High Commission tangwa da ye wow pysangeh ki da ki Barrier wa pynyieñ ki pulit wei hadien ini won da chah thang ya ki yung krehkaam ki kotkhubor kam ka Prothom Alo wa ka The Daily Star.
Ki paidbah da kbai ki leh ya ki kyntien pyrchah ya ka ri India.
Discussion about this post