Joor ka chlai um ha Baghmara, South Garo Hills

U slap wa da joor bha ka kylleiñ ka jylla da ktah joor bha u ya ka chnong Baghmara wa em ha South Garo Hills District.

Boon ki thaw kani ka chnong da dap um lut ki nadooh ki yung skur, ki yaaw hadooh ka madan wa mut u pynman ya i lehkmen ya ka sngi laitlooid ka ri.

Ka wah Simsang wa em ha kani ka chnong da chlai ko wei ya ki sarok da tymmoh lut ka um ki iwa da ktah yei lai i wan ki paidbah.

Kiwi de ki thaw wa chah ktah ha South Garo Hills toh ki thaiñ Karukol wa Gasuapara kiwa jngai kamwa 30 Km na Baghmara.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Ki pulit deilang wa ki BSF da wan ki wow yarap ya ki paidbah heiwa em ki wym lait de u mih na yung ki.

Da em kamwa 100 tylli ki manyung wa da chah ktah na ini i chlai um.

Katkam ka khubor wa yoh da ong wa i chlai um da jia i leh ha Dalu, West Garo Hills.

Ha South West Garo Hills won ha ki chnong kam ka Damalgre wa Mukdangra da tymmoh lut ka um ya ki lyngkha kamjooh leh ha Ganol wa Jinjiram ha West Garo Hills.

Hadooh wa pynmih ya kani ka khubor ym em wa yap na kani ka chlai um.