Ka HANM-Ri War Mihngi Circle da thoh ko cha ka SDO ka Pynursla Civil Sub-Division hajrong i joor i khayi pyrchah aiñ ya ki marbaam mardih wa ki mrad cha ri Bangladesh.
Ka seiñ da ong ko ini i khayi tooh da joor bha i deiwa phah ya ki mar kam i chini, piat, ktung, u salah wa kiwi de kiwa pynemkaam hapoh ka jylla wei ya kini ki mar da pynlai lyngba u sarok Pynursla-Dawki.
Neiliang ka seiñ da ong ko wa ini da wanrah ko leh yei ku dor ki mar ki mata iwa da ktah ya kiwa dooh wa duk kiwa lai mylla dei sngi wei baam dei miet.
Ka seiñ da ong ko leh wa da sakhi dei khmat yei boon kini ki kari khamtam na Laitlyngkot cha wah wei da yoo leh ya ki kari wa kit mooid kit masi wei da phylla wa ki pulit hawa pyntip cha ki da ong ki wa ini toh i kaam yong ka chnat Customs.
Kamtæ da kylli wa kiyi wa yoh nong na ini lait noh du kattu katni ngut tangwa kiwa chah ktah won kiwa boon kiwa dooh wa duk.
Hajrong ini, ka seiñ da beiñ ko ya ki pulit wa ki Customs ki wym chikhia yeini wei lada yoo wa pteiñ kamni ym yohsa ko wow leh deiwa khor dei bor yong ka hi.
Discussion about this post