Joor ka yakhih pyrchah yei e bhah kreh 30% ha Bangladesh, yap 6 ngut mynsoo ki spah ngut

I yakhih pyrchah yei booh bhah 30% i kreh sorkar da poor i cha kylleiñ ka Bangladesh heiwa ki pulit da hiar ki cha ki skurbah wa pynman yakhih kiwa lai puræ heiwa da em 6 ngut kiwa yap wei da em palat 200 ngut kiwa mynsoo hadooh wa hap u phah khang ya waroh ki skurbah, ki College wa ki skur.

Ha u snem 1972, hapoh u Prime Minister Sheikh Mujibur Rahman, ka Bangladesh da wanrah ko ya ka Quota System yow booh 30% i kreh ya ki khon kiwa yakhih yow yoh laitlooid ka ri wei da booh bhah leh ya kiwi wei 44% won toh neibynta wow yaleh katwa kiwa stat dooh.

Kani ka yakhih da sdang ko nadooh ka 1 tarik uni u bnai hadien wa kawi ka High Court da pynmih hukum ko yow pynkrehkaam biang ya kani ka 30% ka bhah ya ki khon kiwa yaleh laitlooid deiwa ong wa i pyndam ya kani ha Quota System ha u 2018 da ka Prime Minister Sheikh Hasina toh iwa man pyrchah ya ka aiñ.

Neiliang ka Supreme Court ynnin ka tayaaw da pyndam ko ya ka hukum ka High Court wei kamwa man kattæ ym em de kani ka Quota System tangwa ka yakhih pteiñ bait i.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ha u snem 2021 da em kiwa lai cha High Court yow dawa pynkrehkaam biang ya kani ka 30% ka bhah wei hadien 3 snem wa bichaar da rai wow pynkrehkaam biang ka nadooh ka 1 tarik uni u bnai iwa da man i daw wa sdang i yakhih.

Ka Supreme Court ynni ka tayaaw da ong ko wa da pyndam ya kani ka hukum ka High Court soo tayaaw wei daw pynmih hukum manda kut ini heiwa da kyntu ya waroh wow lai puræ biang ki.