Jowai: Katkam wa pyntip ki pulit haka 11 tarik uni u bnai, u Md. Zafiruddin Ahmed da ujor u wa heipor 8 waje i miet da em kiwa tooh ya kawi ka yusong wa em ki tiar Computer heipor wa pynhiar u ya ki mar dukan u napoh ka kari wa em ya u number ML-05N-9762 hakhmat dukan u wa tip kam ka ZN Store wa em ha Motphran, Shillong.
Ha kani hi ka sngi, u Sidhart Banerjee da ujor u wa heipor 6 waje i step da em wa psiah tooh cha ka Star Cement Limited Club House wei da tooh ki ya ka wi ka TV wa kiwi ki tiar (Electronics) kiwa chong dor T. 33,0000.
Haka jooh hi biang ka sngi, u Lt. Col. Shaswat Doyal naka 101 Area, Shillong da ujor u wa nadooh ka 28-03-2019 hadooh ka 11-04-19 da em kiwa psiah tooh cha ka Supply Depot ka 101 Area, Shillong wei da tooh ki ya ki tiar ki tar yong oo nadooh ka TV wa kiwi ki tiar yung.
Haka jooh hi ka sngi heipor miet da em wa khyndang ya i dukan ka Joyfullu Malngiang wa em ha Mawlai Umjaiur, Shillong wei da tooh ki ya ki Cigarette wa chongdor T. 900 wa kiwi de ki tiar.
Haka 12 tarik u Elario Kharkongor da psiah tooh u ha i yung ka Margret Biolinda Kharkongor wa em ha Nongrim Road, Laitumkhrah, Shillong wei da tooh u ya ki that waka poisa.
Haka 13 tarik won, u Abdul Rashid Deai da ujor u wa heipor 2:19 i miet ka thuk thuk u kawa dang thymme kawa ym pu em number da chah tooh ko na chnong Patijora kawa haap hapoh Zikzak OP, SWGH.
Haka 15 tarik heipor 1:55 i step synyaw da em kiwa tooh ya kawi ka Scooty wa dang thymme kawa ym pu em number ka yong u Pankaj Kumar Tiwari na Ladrymabi, Datsympein, EJH.
Haka 5 tarik won hei janmiet, kawi ka thuk wa em ya u number ML-08D-2877 ka yong u Nalseng Sangma da chah tooh ko na chnong Antekagre, Mellim, SWGH.
Discussion about this post