I thaw wa em hadien ka Thomas Jones Synod College, Jowai iwa da sdang ki bru wow pynman kam i thaw lai noh jhep nadooh i por wa sangeh ka Jowai Municipal Board (JMB) u kit jhep neidaw wym yoh thaw noh jhep nadooh u snem 2021, ha kini ki sngi da nang boon biang i jhep ha ini i bynta.
Ini i thaw da man i leh iwa da sma bha hanla da em kawi ka Signboard kawa da pynyieñ wa maham wym toh u noh jhep tangwa i jhep da pteiñ i wow lang wei ym em leh wa wan kit ki.
I daw wa da jia ini ye u man neidaw wym ye ka Municipal Board wow wan kit jhep tista na yung ki sem ki bru ha chnong Jowai wei hawa kylli na kiwa chong chnong em kiwa ong wym jooh em yoo ki ya ki kari kit jhep wei em won kiwa ong wan kit jhep hi ki kari.
Kamwa man hadooh kattæ ym pu em yoh thaw noh jhep wa pura wei yei jhep wa da kit leh ym tip cheiwon da noh ya ki.
Katkam wa pyntip da u Chairman ka JMB wa lada yoh thaw wow noh yei jhep wa da dep kit, daw ye wow lai kit jhep tangwa lada ym yoh thaw noh da sangeh leh i lai kit jhep.
Kam wow pynkynmoo wa ka Synjuk Waheh Chnong Jowai ha u snem 2022 da lai yaleh mukotduma ko ha ka Meghalaya High Court kawa da pynkut noh ha ka 19-10-23 hadien wa ka sorkar da kular ko wow pyndep noh u chna yaka 10-TPD Solid Waste Management System wei u krehkaam noh ko haka tayaaw wa nyngkong uni snem 2024 kawa em ha thaaiñ Khliehriat.
Hawa pynkut ya kani ka mukotduma, ka High Court da ong ko wa ka JMB dang tlot hi ko wow leh yei kaam yong ka wei toh u bood ko ya ki sngi wa da booh yow lai kit jhep na ki yung ki bru kamwa da dep pynbait.
Ha kani ka tayaaw wa dep ka JMB da dep pyndait ko da ki CCTV yow chem ya kiwa noh jhep ha Iawmusiang, ha Thomas Jones Synod College wa kiwi ki thaw wa em cha jan tangwa ym pu ye ong wa da krehkaam ini.
Discussion about this post