Shillong: Ki kynthai ka Meghalaya kiwa yalehke haka U-17 da rem biang ki haka Bhutan da 4-2 haka yaleke wa ar ka FIFA Friendly wa pynman ynne ha JN Stadium, Shillong.
Ka Meghalaya da ye ko u pyntam arsien tangwa ka Bhutan da ye ko wow su kylliang yow pteiñ yei jop.
Ka Meghalaya da yoh ko wow thap kool nyngkong ha minit wa 10 da ka kool ka Fedelia Lamare tangwa ka Captain ka Bhutan ka Sonam Choden da yoh ko wow su kylliang chwa wow kut ka kylla step.
Du hadien wa sdang ka kylla miet, ka Sanfida Nongrum da yoh ko wow pyntam biang yaka Meghalaya da ka bol wa chut ko na jngai tangwa ka Bhutan da su kylliang biang ko daka Corner wa thap ka Pema Choki.
Hadien ini, ka Bhutan da sdang ko wow rah yaka yalehke cha ka deiwa thap kool haka minit wa 62 lyngba ka Choden kiwa thap da ka Free-kick kawa man leh ka kool wa soo yaka pyrchah yaka Meghalaya hadien wa dep thap ko ar kool haka yalehke wa nyngkong.
Ka kool wa khaddooh da poi ko hadien 5 minit wa thap daka Dela Lhazom yow pynjop yaka Bhutan da 4-2.
Ka Meghalaya toh kiwa sap rong soo katwa ka Bhutan kiwa sap rong lieh.
Discussion about this post